لو فى حد من فضلكو عندو اى معلومات يعى ميزة أو عيب بخصوص بونتو 2001 يقولى انا هشترى واحدة بس مش عالرفة أسأل مين العربية دى كويسة ولا ايه؟ لو حد عندو بونتو ياريت يفيدنى
عرض للطباعة
لو فى حد من فضلكو عندو اى معلومات يعى ميزة أو عيب بخصوص بونتو 2001 يقولى انا هشترى واحدة بس مش عالرفة أسأل مين العربية دى كويسة ولا ايه؟ لو حد عندو بونتو ياريت يفيدنى
العربية كويسة جدا وقعدتها وسواقتها مريحة جدا وقطع غيارها في المعقول لا غالية قوي ولا رخيصة قوي
فيها عيب واحد بس اتأكدي منه وانت بتكشفي علي العربية:
لفي الدركسيون للأخر واسمعي اذا كان في اي صوت طقطقة جاي من الدركسيون وانت بتلفيه لو فيه صوت طقطقة يبقي كدا ماتور الباور قرب يبوظ (فضله سنة او اتنين وينتهي تماما) وتنزلي من سعرها الف جنيه عشان تغيريه بواحد استيراد
كتر خيرك والله حاجة طبعا عمرى ما كنت هعرفها.. طيب لو العربية موديل 2001 وحالتها كويسة سعرها يبقى فى حدود كام تقريبا
اى معلومات تانى ياجماعة؟؟؟؟؟؟؟؟؟؟؟
لو راشة برا تعمل 37 او 36 في الرينج دا
سيبك من اللى يقول قطع غيارها مش موجودة و غالية
القطع موجودة عند محلات كتير زى الكيلانى و موجودة استعمال فى الحرفيين و الوكالة
جبتها خلالالالالالالالالالاص :)
ألف مبروك عليكي تقريرك بقى السريع وتصويرك كمان ويبقى 100 100 هاها وكشفتي عليها ولا لأ
الف مبروك عايزين تقريرك عن العربية بقا
الله يبارك فيكو :)
هى لحد دلوقتى الحمد لله كويسة بس زرار الشباك اللى ناحية السواق مش شغال سألت عليه نعد واحد بتاع قطع غيار فيات قالى لازم نغير الوحدة كلها الزرار مش بيتصلح ...طيب بكام ياعم قالى ب 800 جنية :( من أولها كدة!!!!! يعنى هى العربية حلوة بس واضح فعلا ان قطع غيارها غالية
كشفت عليها فى البنزينة وقالولى الموتور كويس حالته 70% مش عارفة دى كده حاجة حلوة ولا حاجة وحشة ؟؟؟ ها ؟؟ ها؟؟
مجموعه الزارير انا لقيتها عند تاجر استيراد و بيتكلم في 500 جنيه لو حضرتك عاوزها قلي عشان انا عاوز اشتري زرار الفوج بس فا ندخل فيها سوا و نقسمها علي بعض
أستاذ أحمد خلى بالك انا سألت ناس زمايلى فى الشغل كان معاهم بونتو بردو قالولى الاستيراد جابوه ب 300 جنية من الحرفين خلى بالك من اللى بيقولك 500 ده
بظبط كده لحضرتكم اسعار البونتو مش غالية بس فيه ناس بتستهبل مش أكتر وزي ماقلته عزبة شلبي والوكالة وال حرفين ارخص هتلقي ارخص من الارقام اللي بتسمعها ب رقم يخض
المشكلة ان انا لا هعرف أروح الوكالة ولا هعرف أروح عزبة شلبى لأن انا لو روحت أكيييييييييييييييييييييد هيضحك عليا هناك :(
كان عندي نفس المشكلة في البونتو بس مع الباب اللي جمب السواق.. وكان ماتور الزجاج الكهرباء شغال من غير مشاكل والواضح ان العيب كان من الزرار
بس هو ممكن يتصلح من غير ما تغييره وانا صلحته وهقلك يتصلح ازاي ركزي معايا
روحي لكهربائي يفكلك الوش اللي بيبقي فيه الزرار بتاع الازاز
ورا الزرار دا فيه فيشة داخل فيها كابل.. المشكلة بقا ان الكابل دا مش مسمع في الفيشة كويس فحتخلي الكهربائي يزود اسلاك كهربا عريانة في كل فتحة من فتحات الكابل ..يعني حتبقي زي تطويلة كدا للكابل عشان يسمع في الفيشة والحل دا حيبقي اوفر بكتير من انك تغيريها بواحدة استيراد ويمكن يطلع فيها نفس المشكلة ومصنعية الكهربائي بالكتير 20 جنيه
شكرا شكرا يا أستاذ محمد هجرب فعلا الموضوع ده يمكن ينفع و كده أوفر بكتيييير أصل الواحد بعد ما بيجيب عربية بيبقى على الجنط زى مابيقولو مش وقت فلوس تانى خاااااااالص
مبروك و معلش لو فيها تكلفة بسيطة فى الأول , دة عادى فى المستعمل و ان شاء الله تريحك بعد كدة
سألت عن أخر صيانة اتعملت فيها ؟ علشان تبقى عارفة معاد الصيانة الجاية
دة اللى مفروض يتعمل يا باشا, بس على كلامها الفلوس مش كتيرة معاها دلوقتى
ان شاء الله صاحبها النهاردة هيفهمنى كل حاجة و ربنا يسهل لو فيها حاجة عايزة تتعمل هعملها وهغير بردو السيور والزيت والفلاتر والحاجت دى و ان شاالله ما عن حد حوش
هههه صح كده